Diamond Afunguka Haya Kuhusu Issue ya Mama yake Kutopost Picha ya Zari Siku ya Kuzaliwa Kwake

Habari za kuwepo kwa bifu kati ya Mama mzazi wa Nassib Abduli aka Diamond Platnumz na Zari ambayeni mpenzi wa msanii huyo na Mama wa mtoto wake wa kwanza zilichukua sura mpya.

Mwezi uliopita baada ya Mama mzazi huyo kutopost picha ya Zari kwenye BirthDay yake na kuja kupost picha ya Wema Sepetu akimtakia Birth Day njema.

Kwenye The Playlist ya Times FM, Diamond aliulizwa swali hilo ambapo alifunguka kwa kusema kuwa inabidi ifike mahala kuwa wawape watu kitu cha kuzungumza kwakuwa kibongo bongo familia yao inatizamwa kama ya kina Kardashian.

“Sisi ndio pambo la mitandao, Mtu akiamka lazima aingie kwenye familia ya kina Diamond ajue inafanya nini, ni familia ambayo ina mshikamano na ipo kibiashara zaidi”.

“Inabidi tuwape watu vitu vya kuzungumza zaidi, Kila kinachofanyika kinafanyika kwa makusudi na Mama yangu na Zari wanaelewana sana, ndio maana Zari yupo Tanzania kwa sasa”

Tupe Maoni Yako Kuhusu Habari Hii